Кој ќе тепа на Ел Класико!? ↓↓↓
Претседателот на Барселона, Жосеп Марија Бартомеу ја коментираше моменталната ситуација во клубот, како и најскапите трансфери.
„И претходно објаснував, дека градиме проект со Кутињо и Дембеле со парите кои ги добивме за Нејмар. Во моментов нивото на Дембеле е подобро од тоа на Нејмар. Тој е многу подобар играч и се уште се адаптира“, истакна Бартомеу.
„Доживотниот договор на Меси ќе стане факт многу брзо. Целиот живот го помина овде, повеќе отколку во Аргентина. Неговиот живот секогаш ќе биде поврзан со Барса“.
„Примера се уште не е освоена, треба да продолжиме да работиме и да победуваме борејќи се за сите трофеи. Подобро ќе биде да ја освоиме што е можно побрзо за да се пренасочиме кон другите цели“, заклучи Бартомеу, а потоа зборуваше и за Пеп Гвардиола.
„Во иднина Гвардиола би требало да се врати во Барселона. Се разбира дека ќе му се јавам, ако решем дека е потребно. Меѓутоа, сега е во Манчестер Сити каде се чувствува одлично и има долг договор“.
Josep Bartomeu (Barça president): “I’ve explained that we have a project with Dembélé and Coutinho with the money from Neymar. Dembélé’s level now is better than Neymar’s. He’s a much better player and now he’s adapting.” [tve] pic.twitter.com/CXmpuSpYzJ
— barcacentre (@barcacentre) April 15, 2019
Бартомеу потоа зборуваше и за летниот трансфер пазар, па беше неизбежно да одговори на прашања за Гризман и Де Лихт.
„Гризман има договор со Атлетико Мадрид. Тој е голем играч, но не е точно дека сме имале контакт со неговиот агент… Имаме одлични односи со Ајакс, знаеме дека Де Лихт е на пазарот, но се уште не знам каде ќе ја продолжи кариерата“, истакна претседателот на Каталонците.
