Јунајтед постави стартна цена за Погба


Вака се слави гол во 120-та минута!!! ↓↓↓


Иднината на Пол Погба повторно е многу актуелна тема, па се погласни се шпекулациите дека Французинот на крајот на сезоната може да ја промени средината.

Реал Мадрид е силно заинтересиран за Погба и веќе имал две средби со неговиот агент Мино Раиола, кој инсистира да го пресели својот пулен на „Сантиаго Бернабеу“.

Во Манчестер сакаат за иднината на Погба да одлучуваат на крајот од сезоната, сега единствено што е важно за овој клуб е тоа да изборат место во топ 4 и влез во Лигата наа шампионите наредната сезона.

Како и да е Солскјер ќе донесе одлука за Погба веројатно под влијание на Сер Алекс за кого не е тешко да се погоди какво мислење има, а познато е и дека Раиола е еден од двајцата луѓе со кои не се поднесува.

Денешното издание на „Марка“ тврди дека „црвените ѓаволи“ веќе поставиле стартна цена од 150 милиони евра за потписот на Погба. Тоа е сума која „кралевите“ се спремни да ја платат, а Јунајтед добро ќе заработи на трансферот на Французинот.

Изминатите денови се појавија информации дека клубот од „Олд Трафорд“ е спремен да прифати и трампа во која ќе бидат вклучени Герет Бејл и Тони Крос.

Зидан инсистира на Погба, сака да се ослободи од Бејл, а и Крос изгледа ќе го загуби местото во тимот, па многу е веројатно дека „кралевите“ ќе се согласат на таква размена.