Кој ќе тепа на Ел Класико!? ↓↓↓
Тестирајќи ја новата опција со чија помош гледачите на филмови и серии истите можат да ги гледаат „на забрзано“, Netflix ги разбесни голем број режисери, актери и продуценти. Со својата нова опција Netflix на гледачите би им понудиле можност да изберат брзина на репродукција на содржината која ја гледаат од 1,25 до 1,5 пати побрзо од нормалната.
На филмаџиите тоа воопшто не им се допадна, а меѓу првите се побуни режисерот и продуцент Џад Аптоу.
„Не, Netflix. Не ме терајте да им се јавувам на секој режисер или автор на серија на цел свет за да се побуниме против ова. Заштедете ми време. Би победил, но ќе ми одземе проклето многу време. Не заебавајте се со нашето време. Ви даваме добри ствари, оставете ги онакви какви што треба да бидат гледани“, напиша тој на Твитер.
No @Netflix no. Don’t make me have to call every director and show creator on Earth to fight you on this. Save me the time. I will win but it will take a ton of time. Don’t fuck with our timing. We give you nice things. Leave them as they were intended to be seen. https://t.co/xkprLM44oC
— Judd Apatow (@JuddApatow) 28. Oktober 2019
„Дали конзументите би сакале да јадат или да имаат секс 1,5 пати побрзо? Дали се во право? Мора ли сè да биде дизајнирано по волја на најмрзливите и на оние со најмалку вкус?“, се побуни и режисерот Питер Ремзи.
Do “customers” want to eat or have sex 1.5x faster too? Are they right? Does everything have to be designed for the laziest and most tasteless?
— Peter Ramsey (@pramsey342) 28. Oktober 2019
„Стоп. Како личност за која се говори во оваа статија, имам потреба да се огласам. Нема шанса Netflix да го воведи ова. Тоа би значело целосно преземање на контролата врз нечија уметност и нејзино уништување. Netflix е подобар од тоа. Во право сум, Netflix?’, напиша актерот Арон Пол.
Stop. As the person talked about in this article I felt the need to speak out. There is NO WAY @netflix will move forward with this. That would mean they are completely taking control of everyone else’s art and destroying it. Netflix is far better than that. Am I right Netflix?? https://t.co/fZDnYzvStN
— Aaron Paul (@aaronpaul_8) 28. Oktober 2019
Од Netflix велат дека овде станува збор само за тестирање нова опција.
„Секогаш испробуваме нови начини со кои би им помогнале на корисниците. Овој тест овозможува менување на брзината на репродукција на содржианта за луѓе кои ги гледаат сериите на мобилни. Како и било која тестирана опција, ни оваа не значи дека нужно ќе остане на Netflix“, изјави портпаролот на компанијата.
