Поевтинува бензинот – еве ги новите цени на горивата кои стапуваат на сила од полноќ

горива

Вака се слави гол во 120-та минута!!! ↓↓↓


Според неделната одлука на Регулаторната комисија за енергетика, од вечер на полноќ, на сила стапуваат новите цени на горивата според кои ЕУРОСУПЕР БС-95 поевтинува за половина денар по литар, а цената на Екстра лесното масло за домаќинство (ЕЛ-1) се намалува за еден денар по литар.

Со одлуката се врши намалување на малопродажните цени на нафтените деривати во просек за 0,59 отсто.

Новата малопродажна цена на бензинот ЕУРОСУПЕР БС-95 ќе изнесува 67,5, а на Екстра лесното масло за домаќинство (ЕЛ-1) 50,5 денари за литар. Малопродажните цени на бензинот ЕУРОСУПЕР БС-98 и на ЕУРОДИЗЕЛ (Д-Е V), не се менуваат и остануваат 70, односно 62 денари за литар.

Со одлуката на РКЕ за за 0,085 денари за килограм се намалува и малопродажната цена на мазутот М-1 НС и ќе изнесува 33,694 денари за килограм.

Како причина за промена на цените од РКЕ ги посочуваат за околу 1,68 отсто пониската референтна цена на бензинот на светскиот пазар во изминатите седум дена, зголемената цена за 1,31 отсто кај дизелот и за 0,68 отсто понискиот курс на доларот во однос на денарот.