Уствари викендов е затишје пред бура! ↓↓↓
Жозе Мурињо веќе десет месеци е без тренерски ангажман и работи како стручен коментатор на телевизија.
„Специјалниот“ после отказот од Манчестер Јунајтед доби многу понуди, но сите ги одби бидејќи сака да работи на амбициозен проект и да се бори за трофеи.
Последната понуда која ја одбил е од Лион, тоа го потврди претседателот на францускиот клуб и истакна дека Мурињо веќе го избрал својот нареден клуб.
„Бевме во контакт и разменивме неколку СМС пораки. Мурињо беше пријатен, но ја одби нашата понуда бидејќи веќе го избрал својот нов клуб“, изјави претседателот на Лион.
Англиските медиуми се сигурни дека станува збор за Тотенхем и дека Мурињо е прв кандидат за наследник на Покетино.
Тотенхем лошо ја отвори новата сезона, па позицијата на Покетино е разнишана и двете страни сакаат да се разделат. Претседателот Даниел Леви наводно е во постојан контакт со Мурињо, кој дал согласност да седне на клупата на „спарси“.
